جربنا من جم يوم مطعم ايطالي بمجمع دسمان بالسرداب ( مجمع دسمان مشهور في مكتبات و شركات و خطاطين) المطعم ديكوره حلو وايد، المطاعم و الكافيهات زادت بكثرة بمدينة الكويت و خصوصا منطقتي شرق و المرقاب و أكثرها مطاعم و كافيهات شبابية ،، التجربة كانت جيدة و الأكل لذيذ
من قبل جربت أكثر من مرة شكسبير دبي و وايد احبه و اللي احب فيه أكله اللذيذ و الغريب بالتقديم و ديكوراته الكلاسيكية
و أول شي حطوا الصمون مع الزبده وذكرني بصمون ألمانيا
وطلبت شوربة البصل و سلطة كينوا و بيتزا و برجر الدجاج و باستا بصلصلة بيضاء
مطعمهم بالافنيوز بجراند بسكة سوكو
أمس جربت مطعم ايطالي لذيذ في مروج -مروج منطقعه مطاعم و محلات تسلية في منطقه صبحان مقابل الدائري السادس بجانب فندق صحارى ، طبعا في مطاعم وايد (ايراني ، كويتي ، هندي ، تركي ، ايطالي ، فرنسي ، تايلندي و غيره من الكافيهات )
تراباني إسم مقاطعه في ايطاليا ، و ديكور المطعم و تصميمه ايطالي و المشهور بهذا المطعم حجم أطباقه المتوسطه والفكرة هي المشاركة و تذوق تشكيله كبيرة و متنوعة من الاطباق هالمطعم ثالث مرة أجربه و يستاهل زيارات ثانية و ثالثه
عندهم خدمة توصيل عن طريق ابلكيشن كاريدج
أمس جربنا و تعشينا بمطعم بمنطقه اليرموك بقطعه ٢ جيرليز كيتشن بصراحة الأكل لذيذ و كل شي عجبنا و عندهم توصيل عن طريق برنامج كاريدج و أكيد لي روحه مرة ثانيه أجرب اطباق ثانية
جربوه ماراح تتحسفون
أرقام التلفونات واضحه بآخر صورة
جربت أمس مطعم مكسيكي بالجابرية و عندهم فرع ثاني بالسالمية ، فرعهم بالجابرية خلف نادي تشامبيون اللي عالدائري الرابع ، طلبنا ناتشوز مع جبن سايح و مقبلات بورتبيلو مشروم كاساديا لذيذة كانت و الاطباق الرئيسية بوريتو دجاج و برجر لحم وعندهم أطباق وايد ، بس هذا اللي قدرنا ناكله ،،
و عندهم خدمة توصيل بأبلكيشن كاريج
Carriage – Food Delivery by Carriage
Link carriage for download..
اليوم جربت مطعم ايطالي بمجمع ٣٦٠ فوق نفس دور السينما و اهو داخل مقابله نافورة جديدة و حدايق و ديكورات جديدة للمنطقة وايد القعده حلوه و شرحه واسم المطعم مارغريتا و هذي بعض الصور للمكان والاكل كان لذيذ وطبعا راح أجرب اطباق ثانية بزيارة اخرى
و عندهم فرع ثاني بمجمع ذا جيت بالعقيلة وعندهم طريقه للدفع اييك الجرسون وقت الدفع معاه سلة صغيرة فيها ارقام من ١ لغاية ٩٩ يقولك اختار رقم و اذا طلعلك الرقم اللي اخترته فاتورة الامل يكون مجانا طبعا ما طلع رقمنا 😏
أمس جربت مطعم سوشي كلوب و عندهم فرع واحد بالسالمية مكانه بعد فرع جمعية السالمية عالبلاجات عاليمين ،، أول مرة اجربه و عندهم تشكيله كبيرة من السوشي و الرول و عندهم باقي الاكلات اليابانية المعروفة كالتبنياكي و الترياكي و أنواع الارز
محل وافل في مجمع التلال بالشويخ ،، لعشاق الوافل والكريب ،، وعندهم بعد سندويشات خفيفة وعصاير وايس كريم،، انصح فيه محبي الوافل والكريب بالأخص
مطعم ماكدونالز فرع منطقه صباح السالم مقابل المسيلة ، عجبني ديكوراته و مساحته الكبيرة و خصوصا صالة الاحتفالات الخاصة اللي تسع ١٠٠ شخص ، المطعم كبير وايد و فيه كراسي خارجية و مستخدمين نظام الطلب بالجهاز بدال ما الزبون يوقف دور عالطلب سهل و ممتع استخدامه بجانبه كوزمو و ستاربكس و نوادي صحية اغلبها رجالية
جربت من جم يوم بيتزا زووم و مكانهم بمنطقة المرقاب بالكويت بجانب مطعم سلطاني التركي متخصص بالبيتزا و عندهم تشكيله من الانواع و اللي لفت نظري الحجم الكبير للبيتزا أول مرة أشوف هالقياس و اللي قطعه منها تكفي للشخص
و عندهم توصيل عن طريق ابلكيشن كوريج للأحجام العادية بس الحجم الكبير ما يوصلونها من كبر حجمها فقط للاستلام من المطعم
Zoom pizza telephone 22412090
Or try.carriage for dilevery
DarMdary 